ఢిల్లీ ప్రీమియర్ లీగ్‌లో ఈసారి క్రికెట్ కంటే.. ఇప్పుడు మరో విషయము హాట్ టాపిక్‌గా మారింది. యువ క్రికెటర్ వంశ్ బేడీకి ఫిక్సింగ్‌కు సంబంధించిన ఆఫర్ వచ్చిందనే ఫిర్యాదు ఇప్పుడు కలకలం రేపుతోంది. ఇంతకీ అసలు ఏం జరిగింది? ఇటీవల ముగిసిన ఢిల్లీ ప్రీమియర్ లీగ్‌లో సెంట్రల్ ఢిల్లీ కింగ్స్, తరఫున ఆడిన యువ వికెట్ కీపర్-బ్యాటర్ వంశ్ బేడీకి.. పొరుగు రాష్ట్రానికి చెందిన ఒక క్రికెటర్, నుంచి అనుమానాస్పదంగా ఒక సంప్రదింపు వచ్చినట్లు సమాచారం. ఈ విషయాన్ని వంశ్ బేడీ వెంటనే ఢిల్లీ క్రికెట్ సంఘం అవినీతి నిరోధక విభాగం దృష్టికి తీసుకెళ్లినట్లు తెలుస్తోంది.
అంతేకాదు.. ఈ విషయాన్ని అధికారికంగా కూడా నమోదు చేసినట్లు సమాచారం. ఢిల్లీ క్రికెట్ సంఘం కార్యదర్శి అశోక్ శర్మ ఈ విషయంపై స్పందించారు. ఉత్తరప్రదేశ్‌కు చెందిన ఒక ఆటగాడు వంశ్ బేడీని సంప్రదించాడని.. అతడు వెంటనే ఈ విషయాన్ని అవినీతి నిరోధక విభాగానికి తెలియజేశాడని అశోక్ శర్మ చెప్పారు. ఈ ఏడాది లీగ్‌లో ప్రతి జట్టుతో పాటు అవినీతి నిరోధక, అధికారులు కూడా ఉండేలా అన్ని ఏర్పాట్లు చేశామని ఆయన తెలిపారు. అయితే.. ఇక్కడితో ఈ విషయము ముగియలేదు. వంశ్ బేడీకి వచ్చినట్లు చెబుతున్న ఈ ఫిక్సింగ్ అప్రోచ్‌పై ఢిల్లీ క్రికెట్, సంఘం ఇప్పుడు భారత క్రికెట్ నియంత్రణ మండలి.. అంటే BCCI ని సంప్రదించింది.
ఈ వ్యవహారాన్ని ఎలా ముందుకు తీసుకెళ్లాలి? ఇకపై ఎలాంటి చర్యలు తీసుకోవాలి? అనే విషయంలో BCCI సలహా కోసం ఎదురుచూస్తున్నట్లు DDCA తెలిపింది. ఈ విషయము ఒక స్టింగ్ ఆపరేషన్‌ ద్వారా బయటకు వచ్చిన ఫిక్సింగ్ ఆరోపణలతో కూడా సంబంధం ఉన్నట్లు సమాచారం. అయితే.. ప్రస్తుతం ఈ వ్యవహారంపై తుది నిర్ణయం ఇంకా వెలువడలేదు. ఢిల్లీ క్రికెట్ వర్గాల్లో మాత్రం ఈ విషయము చర్చనీయాంశంగా మారింది. BCCI నుంచి మార్గదర్శకాలు వచ్చిన తర్వాతే ఈ వ్యవహారంలో తదుపరి చర్యలు తీసుకుంటామని DDCA అధికారులు చెబుతున్నారు.
ఇక వంశ్ బేడీ విషయానికి వస్తే.. ఈ సీజన్‌లో అతడు సెంట్రల్ ఢిల్లీ కింగ్స్ తరఫున ఆడాడు. ఆ జట్టు ఈ సీజన్‌లో ఫైనల్ వరకు వెళ్లింది. అయితే టైటిల్ పోరులో సౌత్ ఢిల్లీ సూపర్‌స్టార్జ్ చేతిలో ఓడిపోయి రన్నరప్‌గా నిలిచింది. ఇంతకుముందు వంశ్ బేడీ పురానీ ఢిల్లీ 6 జట్టుకు కూడా ప్రాతినిధ్యం వహించాడు. అలాగే IPL లో చెన్నై సూపర్ కింగ్స్‌తో కూడా అతడికి అవకాశం లభించింది. ఇప్పుడు అతడు ఇచ్చిన ఫిర్యాదుపై BCCI ఏం సూచిస్తుంది? ఈ వ్యవహారంలో తదుపరి ఎలాంటి చర్యలు ఉంటాయి? అనేది ఆసక్తికరంగా మారింది.
