మాజీ భారత క్రికెటర్ జవగల్ శ్రీనాథ్ యువ క్రికెటర్లకు కీలక సూచనలు చేశారు. క్రికెట్‌లో సుదీర్ఘ కెరీర్ కావాలంటే టెస్ట్ క్రికెట్‌ను మరింత సీరియస్‌గా తీసుకోవాలని ఆయన సూచించారు. ఇండోర్‌లో జరిగిన మధ్యప్రదేశ్ క్రికెట్ అవార్డ్స్ కార్యక్రమం సందర్భంగా మీడియాతో మాట్లాడిన శ్రీనాథ్.. టెస్ట్ క్రికెట్‌ను “క్రికెట్‌కు మదర్ ఆఫ్ ఆల్ క్రికెట్”గా అభివర్ణించారు. యువ ఆటగాళ్లు టెస్ట్ ఫార్మాట్‌పై ఎక్కువ దృష్టి పెట్టాలని ఆయన అన్నారు. శ్రీనాథ్ మాట్లాడుతూ..
“ఐపీఎల్ చాలా ముఖ్యమైనదే. కానీ క్రికెట్‌లో లోతైన నైపుణ్యం టెస్ట్ క్రికెట్‌లోనే ఉంటుంది. టెస్ట్ క్రికెట్ ఐదు రోజుల ఫార్మాట్ కాబట్టి దానిని మదర్ ఆఫ్ ఆల్ క్రికెట్ అంటారు. టెస్ట్ క్రికెట్ ఆడిన ఆటగాడికి T twenty క్రికెట్ ఆడటం సులభంగా ఉంటుంది. కానీ కేవలం T twenty లు మాత్రమే ఆడే ఆటగాడికి టెస్ట్ క్రికెట్ ఆడటం అంత సులభం కాదు”అని చెప్పారు. అయితే యువ ఆటగాళ్లు IPL కు ఆకర్షితులు కావడం సహజమేనని శ్రీనాథ్ అన్నారు.
ఎందుకంటే IPL లో భారీ మొత్తంలో డబ్బు, గ్లామర్ ఉంటాయని చెప్పారు. కానీ క్రికెట్‌ను 15 సంవత్సరాల పాటు ప్రొఫెషన్‌గా కొనసాగించాలని అనుకునే ఆటగాళ్లు టెస్ట్ క్రికెట్ తప్పకుండా ఆడాలని సూచించారు. “IPL లో డబ్బు, గ్లామర్ ఎక్కువగా ఉండటంతో యువ ఆటగాళ్లు దాని వైపు ఆకర్షితులు కావడం సహజం. తల్లిదండ్రులు, రాష్ట్ర క్రికెట్ సంఘాలు, కోచ్‌లు కూడా యువ ఆటగాళ్లకు సరైన మార్గనిర్దేశం చేయాలి.
మీరు 15 సంవత్సరాల పాటు క్రికెట్‌ను కెరీర్‌గా కొనసాగించాలనుకుంటే టెస్ట్ క్రికెట్ ఆడాలి. T twenty ల్లో ఆటగాళ్లను చాలా త్వరగా రొటేట్ చేస్తారు” అని శ్రీనాథ్ పేర్కొన్నారు. ఇక జవగల్ శ్రీనాథ్ భారత జట్టు తరఫున 67 టెస్ట్ మ్యాచ్‌లు ఆడి 236 వికెట్లు పడగొట్టారు. ఇందులో 10 సార్లు ఐదు వికెట్ల ప్రదర్శన, ఒకసారి 10 వికెట్ల ప్రదర్శన ఉంది. టెస్టుల్లో ఆయన అత్యుత్తమ బౌలింగ్ గణాంకాలు 8/86. అలాగే శ్రీనాథ్ 229 వన్డేలు ఆడి 315 వికెట్లు సాధించారు.
వన్డేల్లో మూడు ఐదు వికెట్ల ప్రదర్శనలు నమోదు చేసి, అత్యుత్తమంగా 5/23 గణాంకాలను నమోదు చేశారు. భారత బౌలర్లలో వన్డేల్లో అత్యధిక వికెట్లు తీసిన ఆటగాళ్లలో శ్రీనాథ్ ముందంజలో ఉన్నారు. మొత్తంగా 296 అంతర్జాతీయ మ్యాచ్‌ల్లో 551 వికెట్లు తీసుకున్న శ్రీనాథ్.. భారత క్రికెట్‌లో అత్యుత్తమ ఫాస్ట్ బౌలర్లలో ఒకరిగా గుర్తింపు పొందారు. శ్రీనాథ్ సందేశం ఒక్కటే IPL లో వచ్చే డబ్బు, గ్లామర్ తాత్కాలికం కావచ్చు. కానీ టెస్ట్ క్రికెట్ ఇచ్చే అనుభవం, నైపుణ్యం, సుదీర్ఘ కెరీర్‌కు బలమైన పునాది అవుతుంది.
అందుకే యువ ఆటగాళ్లు T twenty లతో పాటు టెస్ట్ క్రికెట్‌కు కూడా సమాన ప్రాధాన్యత ఇవ్వాలని ఆయన సూచించారు. “ఇలాంటి క్రికెట్ అప్‌డేట్స్ కోసం మా ఛానల్‌ను Subscribe చేయండి. వీడియో నచ్చితే Like చేసి, మీ ఫ్రెండ్స్‌తో Share చేయండి. తాజా అప్‌డేట్స్ కోసం Bell Icon నొక్కడం మర్చిపోవద్దు!”
