వైభవ్ సూర్యవంశీకి సంజీవ్ గోయెంకా స్టాండింగ్ ఓవేషన్..! ఆ తర్వాత జరిగిన సీన్ అందరి హృదయాలు గెలిచింది!

2026 IPL లో ఇప్పుడు ఒక్క పేరు మాత్రమే సోషల్ మీడియాలో ట్రెండ్ అవుతోంది… అదే వైభవ్ సూర్యవంశీ!
15 ఏళ్ల వయసులోనే బౌలర్లను భయపెడుతూ, స్టేడియంని మొత్తం లేచేలా చేసిన ఈ కుర్రాడి ఆట చూసి, ప్రత్యర్థి జట్టు ఓనర్ కూడా స్టాండింగ్ ఓవేషన్ ఇవ్వాల్సి వచ్చింది! అంతేకాదు… మ్యాచ్ తర్వాత జరిగిన ఒక చిన్న సంఘటన ఇప్పుడు కోట్లాది మంది హృదయాలను గెలుచుకుంది. క్రికెట్ ప్రపంచం మొత్తం ఇప్పుడు ఒక్కటే ప్రశ్న అడుగుతోంది… “ఇతను కేవలం మరో యంగ్ ప్లేయరా? లేక ఇండియన్ క్రికెట్ ఫ్యూచర్ సూపర్ స్టార్ ఆ?”

మంగళవారం జరిగిన IPL 2026 హై వోల్టేజ్ మ్యాచ్‌లో, సవాయి మాన్సింగ్ స్టేడియం మొత్తం ఒక్కసారిగా వైభవ్ సూర్యవంశీ తుఫాన్‌తో ఊగిపోయింది. లక్నో సూపర్ జెయింట్స్‌పై రాజస్థాన్ రాయల్స్ ఛేజ్ చేస్తుండగా, ప్రేక్షకుల్లో ఒక్కరూ కూడా సీట్లో కూర్చోలేదు. ఎందుకంటే క్రీజ్‌పై ఉన్నది సాధారణ బ్యాటర్ కాదు… 15 ఏళ్ల సంచలనం వైభవ్ సూర్యవంశీ!

221 పరుగుల భారీ లక్ష్యాన్ని ఛేజ్ చేస్తున్న రాజస్థాన్‌కు మొదట్లో కాస్త ఒత్తిడి కనిపించింది. కానీ వైభవ్ మాత్రం తొందరపడకుండా చాలా మెచ్యూరిటీతో ఇన్నింగ్స్ ప్రారంభించాడు. ఇటీవల కొన్ని మ్యాచ్‌ల్లో ఆరంభంలోనే భారీ షాట్లు ఆడి వికెట్ కోల్పోయిన వైభవ్, ఈసారి తన ఆటలో మార్పు తీసుకొచ్చాడు. మొదట పరిస్థితిని అర్థం చేసుకుని, తర్వాత ఒక్కసారిగా గేర్ మార్చి లక్నో బౌలర్లపై దాడి ప్రారంభించాడు.

అతను కొట్టిన ప్రతి సిక్స్‌తో స్టేడియం దద్దరిల్లిపోయింది. ముఖ్యంగా పవర్‌ప్లే తర్వాత రవి బిష్ణోయ్, నవీన్ ఉల్ హక్ బౌలింగ్‌లో వరుస సిక్సర్లు కొట్టిన తీరు చూసి కామెంటేటర్లు కూడా షాక్ అయ్యారు. కేవలం 38 బంతుల్లోనే 93 పరుగులు చేసి మ్యాచ్‌ ను పూర్తిగా రాజస్థాన్ వైపు తిప్పేశాడు. ఆ ఇన్నింగ్స్‌లో 10 భారీ సిక్సర్లు, 7 ఫోర్లు ఉండటం అతని విధ్వంసానికి నిదర్శనం. సెంచరీకి కేవలం 7 పరుగుల దూరంలో అవుట్ అయినా… అప్పటికే మ్యాచ్ హీరోగా మారిపోయాడు.

మరో ఎండ్‌లో ధ్రువ్ జురెల్ కూడా అద్భుతంగా సహకరించాడు. 38 బంతుల్లో 53 పరుగులు చేసి, వైభవ్‌కు మంచి సపోర్ట్ ఇచ్చాడు. ఇద్దరి పార్ట్నర్‌షిప్ మ్యాచ్ టర్నింగ్ పాయింట్‌గా మారింది. ఇటీవల RR మధ్య ఓవర్లలో వరుసగా వికెట్లు కోల్పోతున్న సమస్య, ఈ మ్యాచ్‌లో మాత్రం కనిపించలేదు.

వైభవ్ ఆట చూసి లక్నో సూపర్ జెయింట్స్ ఓనర్ Sanjiv Goenka కూడా ఫిదా అయ్యాడు. వైభవ్ అవుట్ అయి డ్రెస్సింగ్ రూమ్‌కి వెళ్తుండగా, గోయెంకా తన సీట్లో నుంచి లేచి నిలబడి చప్పట్లు కొట్టాడు. ప్రత్యర్థి జట్టు ఓనర్ నుంచి వచ్చిన ఆ గౌరవం ఇప్పుడు సోషల్ మీడియాలో వైరల్ అవుతోంది.

అక్కడితో కథ ముగియలేదు. మ్యాచ్ తర్వాత గ్రౌండ్‌లో వైభవ్, గోయెంకా కొద్దిసేపు మాట్లాడుకున్నారు. అదే సమయంలో గోయెంకా భార్య అక్కడికి రాగానే, వైభవ్ గౌరవంగా ఆమె పాదాలకు నమస్కారం చేశాడు. ఆ వినయం చూసి అభిమానులు మరింత ఫిదా అయ్యారు. “గ్రౌండ్‌లో అగ్రెసివ్… బయట ఎంతో వినయంగా” అంటూ సోషల్ మీడియాలో ప్రశంసల వర్షం కురుస్తోంది.

ఈ సీన్ చూసిన భారత క్రికెట్ దిగ్గజం Sunil Gavaskar కూడా సరదాగా కామెంట్ చేశాడు.
“ఇంకొన్ని రోజుల్లో నేనే నీ కోసం bett వేస్తా!” అంటూ నవ్వుతూ చెప్పిన గవాస్కర్ వ్యాఖ్య ఇప్పుడు వైరల్ అయింది. అంటే వైభవ్ ప్రభావం ఎంత పెద్దదో అర్థం చేసుకోవచ్చు. ప్రత్యర్థి జట్లకే అతను ఫేవరెట్‌గా మారుతున్నాడు.

మ్యాచ్ తర్వాత మాట్లాడిన వైభవ్ కూడా తన మెచ్యూరిటీని చూపించాడు.
“నేను ఎప్పుడైనా రెండు మూడు బౌండరీలు కొట్టగలను. అందుకే తొందరపడకుండా చివరి వరకు ఆడాలని అనుకున్నాను,” అని చెప్పాడు.
పిచ్ చాలా బాగుందని, మొదట కాస్త సమయం తీసుకుని తర్వాత దాడి చేయాలని ముందే ప్లాన్ చేసుకున్నట్లు తెలిపాడు.

ఈ సీజన్‌ లో ఇప్పటికే యంగ్ ప్లేయర్లలో అత్యంత ప్రమాదకర బ్యాటర్‌గా మారిపోయిన వైభవ్… ఇప్పుడు ప్లేఆఫ్స్ రేస్‌లో రాజస్థాన్‌కు ఆశాకిరణంగా కనిపిస్తున్నాడు. ఇటీవల RR వరుస పరాజయాలతో ఒత్తిడిలో ఉండగా, ఈ విజయంతో జట్టులో మళ్లీ నమ్మకం వచ్చింది. ముఖ్యంగా 15 ఏళ్ల వయసులో ఇంతటి ప్రెజర్ మ్యాచ్‌లో ఇలా ఆడటం చూసి మాజీ క్రికెటర్లు కూడా ఆశ్చర్యపోతున్నారు.

ఒకప్పుడు “ఇతను చాలా చిన్నవాడు” అన్నవాళ్లు… ఇప్పుడు “ఇతనే ఇండియన్ క్రికెట్ ఫ్యూచర్” అంటున్నారు.
అయితే ప్రశ్న ఒక్కటే… వైభవ్ సూర్యవంశీ ఇదే ఫామ్ కొనసాగిస్తే, వచ్చే కొన్ని ఏళ్లలో IPL లోనే కాదు… టీమ్ ఇండియాలో కూడా స్థానం దక్కించుకుంటాడా?

మరి వైభవ్ సూర్యవంశీ ఇన్నింగ్స్ మీకు ఎలా అనిపించింది?
ఈ 15 ఏళ్ల స్టార్ భవిష్యత్తులో టీమ్ ఇండియా సూపర్ స్టార్ అవుతాడని మీరు భావిస్తున్నారా?