క్రికెట్ ప్రపంచంలో మనం ఎంతైనా చెప్పుకోవచ్చు, ఎన్నైనా లెక్కలు వేసుకోవచ్చు. కానీ ఐసీసీ ట్రోఫీలు గెలవడంలో ఆస్ట్రేలియాను కొట్టే మగాడు కాదు కదా.. కనీసం ఆ దరిదాపుల్లోకి వచ్చే టీమ్ కూడా ప్రస్తుతానికి ప్రపంచ క్రికెట్ లోనే లేదు బాస్! నిన్ననే కదా చూశాం, లార్డ్స్ మైదానంలో ఇంగ్లాండ్ పులులను వాళ్ల సొంత గడ్డ మీదనే పిల్లులను చేస్తూ ఆస్ట్రేలియా ఆడపులులు ఏడోసారి టీ20 వరల్డ్ కప్ కొట్టేసి రచ్చ రచ్చ చేశారు.
సోఫీ మోలినీక్స్ కెప్టెన్సీలో కేవలం 17.1 ఓవర్లలోనే ఇంగ్లాండ్ ఇచ్చిన 150 రన్స్ టార్గెట్ను ఊచకోత కోస్తూ చేధించేశారు. ఈ దెబ్బతో అసలు ఆస్ట్రేలియా దగ్గర ఎన్ని ఐసీసీ ట్రోఫీలు ఉన్నాయి, మన ఇండియా వాళ్ల కంటే ఎన్ని ఎక్కువ ట్రోఫీలతో ముందుంది అనే లెక్కలు చూస్తే ఎవరికైనా సరే మైండ్ బ్లాంక్ అయిపోవాల్సిందే! నిజం చెప్పాలంటే క్రికెట్ లో ఆస్ట్రేలియా సామ్రాజ్యం అనేది నిన్న మొన్నటిది కాదు, దశాబ్దాలుగా వాళ్లు ప్రపంచాన్ని ఏలుతున్నారు.
సీనియర్ క్రికెట్ లో మెన్, ఉమెన్ ఇద్దరినీ కలిపి చూస్తే ఆస్ట్రేలియా ఖాతాలో ఏకంగా 24 ఐసీసీ సీనియర్ టైటిల్స్ ఉన్నాయి బాస్, ఇది ఒక అల్టిమేట్ రికార్డ్! ఈ సువర్ణ అధ్యాయం 1987 నవంబర్ 8న కోల్కతా వేదికగా ఇంగ్లాండ్ను మన దేశంలోనే ఓడించి మొదటి మెన్స్ వరల్డ్ కప్ గెలవడంతో మొదలైంది. ఆ తర్వాత నుంచి వాళ్లు వెనక్కి తిరిగి చూసుకోలేదు. ఆస్ట్రేలియా మెన్స్ టీమ్ మాత్రమే ఇప్పటివరకు 10 ఐసీసీ ట్రోఫీలు గెలిచింది. అందులో ఆరు వన్డే వరల్డ్ కప్లు ఉంటే, మిగతావి ఛాంపియన్స్ ట్రోఫీ మరియు టీ20 వరల్డ్ కప్లు ఉన్నాయి.
ఇక మన ఆడపులుల విషయానికి వస్తే, వీళ్లు మగవారి కంటే ఒక అడుగు ముందే ఉన్నారని చెప్పాలి. ఏకంగా 14 ఐసీసీ ట్రోఫీలను ఆస్ట్రేలియా ఉమెన్స్ టీమ్ తమ దేశానికి అందించింది. అందులో ఏడు వన్డే వరల్డ్ కప్లు, నిన్న గెలిచిన దాంతో కలిపి ఏడు టీ20 వరల్డ్ కప్లు ఉన్నాయి. ఇద్దరూ కలిసి 24 ట్రోఫీలతో ప్రపంచ క్రికెట్ను శాసిస్తున్నారు. మరి ఇంత పెద్ద ఆస్ట్రేలియా సామ్రాజ్యానికి పోటీగా మన టీమ్ ఇండియా ఎక్కడ ఉంది అని లెక్కలు వేస్తే.. ప్రస్తుతం సీనియర్ క్రికెట్ లో ఇండియా దగ్గర 9 ఐసీసీ ట్రోఫీలు ఉన్నాయి. అంటే ఆస్ట్రేలియా మనకంటే ఏకంగా 15 ఐసీసీ ట్రోఫీలు ఎక్కువగా గెలిచి చాలా అంటే చాలా ముందు వరుసలో నిలబడింది. ఒకవేళ మనం అండర్-19 వరల్డ్ కప్లను కూడా ఈ లెక్కల్లోకి తీసుకుంటే ఆస్ట్రేలియా స్కోరు 27 కి చేరుతుంది, మన ఇండియా స్కోరు 14 కి వెళ్తుంది.
ఏ రకంగా చూసినా ఆస్ట్రేలియా మనకంటే చాలా ఎత్తులో ఉంది. మన ఇండియా విషయానికి వస్తే 1983లో కపిల్ దేవ్ ఆనాడు వెస్టిండీస్ అహంకారాన్ని దించి తెచ్చిన మొదటి వరల్డ్ కప్ నుంచి, ఆ తర్వాత 2011లో ధోని కొట్టిన ఆ సిక్స్ తో వచ్చిన వన్డే వరల్డ్ కప్ వరకు మన ప్రయాణం ఎంతో అద్భుతం. అలాగే 2007లో మొదటి టీ20 వరల్డ్ కప్, ఆ తర్వాత 2024లో సాధించిన వరల్డ్ కప్, ఇంకా మొన్నటికి మొన్న 2026లో న్యూజిలాండ్ను 96 రన్స్ తేడాతో చిత్తు చేసి గెలిచిన మూడో టీ20 వరల్డ్ కప్తో మన మెన్స్ టీమ్ దుమ్మురేపింది. ఐసీసీ ఛాంపియన్స్ ట్రోఫీలో కూడా ఇండియా మూడుసార్లు ఛాంపియన్గా నిలిచింది, అందులో 2002లో జాయింట్ విన్నర్ కాగా, 2013లో ఒంటరిగా గెలిచాం, మళ్లీ 2025లో దుబాయ్ వేదికగా న్యూజిలాండ్ను 4 వికెట్ల తేడాతో ఓడించి కప్ కొట్టాం. అయితే ఇక్కడ మనం ఇంకొక ముఖ్యమైన విషయం మాట్లాడుకోవాలి బాస్. మన మెన్స్ టీమ్ ఎన్నో ట్రోఫీలు గెలిచినా, మన ఇండియా ఉమెన్స్ టీమ్ మాత్రం ఐసీసీ ట్రోఫీ కోసం ఎన్నో ఏళ్లుగా కళ్లల్లో ఒత్తులు వేసుకుని ఎదురుచూసింది. ఎన్నో సార్లు ఫైనల్స్ దాకా వెళ్లి తృటిలో కప్పును మిస్ చేసుకుని గుండెలు పగిలేలా ఏడ్చిన రోజులు ఉన్నాయి.
కానీ, ఆ నిరంతర నిరీక్షణకు తెరదించుతూ గతేడాది నవంబర్ 2025లో నవీ ముంబైలోని డివై పాటిల్ స్టేడియంలో మన భారత నారీమణులు సరికొత్త చరిత్ర సృష్టించారు. సౌతాఫ్రికా టీమ్ను ఫైనల్లో 52 రన్స్ తేడాతో ఘోరంగా ఓడించి, తమ జీవితకాల స్వప్నమైన మొదటి ఐసీసీ ఉమెన్స్ వన్డే వరల్డ్ కప్ను ముద్దాడారు. ఆ రోజు స్టేడియంలో పారిన ఆనంద భాష్పాలు, ఆ సంబరాలు ప్రతి ఒక్క క్రికెట్ అభిమాని గుండెల్లో ఎప్పటికీ నిలిచిపోతాయి. ఆ ఒక్క ట్రోఫీ మన ఉమెన్స్ క్రికెట్ రాతను పూర్తిగా మార్చేసింది. కానీ, టీ20 వరల్డ్ కప్ విషయానికి వస్తే మాత్రం ఇప్పటికీ మన అమ్మాయిలు మొదటి కప్ కోసం శ్రమిస్తూనే ఉన్నారు. ఏదేమైనా ప్రస్తుతం ఆస్ట్రేలియా 24 ట్రోఫీలతో, ఇండియా 9 ట్రోఫీలతో ఉన్న మాట నిజమే కావచ్చు. ఆస్ట్రేలియాకు 15 ట్రోఫీల లీడ్ ఉండొచ్చు.
కానీ బాస్, పిక్చర్ ఇప్పుడిప్పుడే మారుతోంది! గత కొన్నేళ్లుగా మన టీమ్ ఇండియా ఫామ్ చూస్తుంటే ఆస్ట్రేలియా గుండెల్లో రైళ్లు పరిగెడుతున్నాయి. 2024 టీ20 వరల్డ్ కప్, 2025 ఛాంపియన్స్ ట్రోఫీ, 2025 ఉమెన్స్ వన్డే వరల్డ్ కప్, అలాగే మొన్నటికి మొన్న మెన్స్ టీమ్ గెలిచిన 2026 టీ20 వరల్డ్ కప్.. ఇలా బ్యాక్ టు బ్యాక్ ఐసీసీ ట్రోఫీలను ముద్దాడుతూ మనవాళ్లు విశ్వరూపం చూపిస్తున్నారు. ఆస్ట్రేలియా కట్టిన ఆ రికార్డుల కోటను బద్దలు కొట్టడానికి మన నీలం రంగు సింహాలు రెడీ అయిపోయాయి. ఈ పోరాటం ఇక్కడితో ఆగదు, మున్ముందు రాబోయే ఐసీసీ టోర్నమెంట్లలో ఆస్ట్రేలియాకు చుక్కలు చూపించి, ఆ గ్యాప్ను తగ్గించడానికి మనవాళ్లు ప్రాణాలు పెట్టేస్తారనడంలో ఎలాంటి సందేహం లేదు.
ప్రెజెంట్ అయితే ఆస్ట్రేలియానే బాస్ కావచ్చు, కానీ ఫ్యూచర్ మాత్రం కచ్చితంగా మన టీమ్ ఇండియాదే! జై హింద్!
