ఇండియన్ క్రికెట్లో ఇప్పుడు ఎక్కడ చూసినా, ఏ నోట విన్నా ఒకే ఒక్క పేరు మార్మోగిపోతోంది బాస్. అదే మన 15 ఏళ్ల వండర్ కిడ్, రాజస్థాన్ రాయల్స్ సెన్సేషన్ వైభవ్ సూర్యవంశీ! ఐపీఎల్ 2026లో ఏకంగా 776 పరుగులు దంచి కొట్టి ఆరెంజ్ క్యాప్ గెలుచుకున్న ఈ కుర్రాడు, నిన్న ఇంగ్లాండ్తో జరిగిన రెండో టీ20 మ్యాచ్లో టీమిండియా తరపున అఫీషియల్గా ఇంటర్నేషనల్ డెబ్యూ చేసేశాడు. నాలుగు మ్యాచ్లు బెంచ్పై కూర్చున్న తర్వాత ఎట్టకేలకు మనోడికి ఇండియా క్యాప్ దక్కింది. డెబ్యూ మ్యాచ్లో 10 బంతుల్లో 14 పరుగులే చేసినా.. జోఫ్రా ఆర్చర్ లాంటి వరల్డ్ క్లాస్ బౌలర్ బౌలింగ్లో మోకాళ్ళ మీద కూర్చుని కొట్టిన ఆ సిక్స్ చూస్తే, వీడు మామూలోడు కాదు బాస్, ఫ్యూచర్ సూపర్ స్టార్ అని అందరికీ అర్థమైపోయింది.
ప్రస్తుతం సోషల్ మీడియాలో, క్రికెట్ పండితుల్లో ఒకటే చర్చ నడుస్తోంది. నెక్స్ట్ టీ20 వరల్డ్ కప్ సైకిల్లో వైభవ్ సూర్యవంశీ కచ్చితంగా కీ ప్లేయర్ అవుతాడని సెలెక్టర్లు ఆల్రెడీ ఫిక్స్ అయిపోయారు. అయితే మూడో టీ20లో సంజూ శాంసన్ని మళ్లీ టీమ్లోకి తెచ్చి వైభవ్ని జాగ్రత్తగా వాడుకోవాలా, లేక ఈ కుర్రాడికి మరికొన్ని ఛాన్సులు ఇచ్చి ఇంటర్నేషనల్ స్టేజ్పై ప్రూవ్ చేసుకోవడానికి టైమ్ ఇవ్వాలా అని ఫ్యాన్స్ కొట్టుకుంటున్నారు. ఈ గ్యాప్లో మన టీమిండియా మాజీ లెగ్ స్పిన్నర్ లక్ష్మణ్ శివరామకృష్ణన్ ఒక రేంజ్ స్టేట్మెంట్ ఇచ్చాడు బాస్! వైభవ్ని కేవలం టీ20లకే పరిమితం చేయొద్దు, మనోడిని డైరెక్ట్గా 2027 వన్డే వరల్డ్ కప్లోకి కూడా దించేయొచ్చు అని ఒక పక్కా కండిషన్తో పీటీఐ (PTI) ఇంటర్వ్యూలో బాంబ్ పేల్చాడు.
శివరామకృష్ణన్ పెట్టిన ఆ కండిషన్ ఏంటంటే, ఇప్పుడు ఇంగ్లాండ్తో జరగబోయే మిగిలిన టీ20 మ్యాచ్ల్లో, ఆ తర్వాత రాబోయే జింబాబ్వే టూర్లో వైభవ్ సూర్యవంశీ గనక ఎక్స్ట్రార్డినరీగా రాణిస్తే.. కళ్ళు మూసుకుని మనోడిని 50 ఓవర్ల వరల్డ్ కప్ రేస్లోకి కూడా తీసుకోవాలని సెలెక్టర్లను కోరాడు. ఎందుకంటే వైభవ్ ఒంటిచేత్తో మ్యాచ్ని గెలిపించే రేర్ మ్యాచ్ విన్నర్ అని ఆయన కొనియాడాడు. కేవలం 15 ఏళ్ల వయసులోనే ఇంత మెచ్యూరిటీతో ఆడుతున్న ఈ లెఫ్ట్ హ్యాండ్ బ్యాటర్ని వన్డేల్లోకి తేవడం అసలు తప్పే కాదని చాలా మంది మాజీలు కూడా సపోర్ట్ చేస్తున్నారు. ఎందుకంటే వైభవ్ సూర్యవంశీకి వన్డే ఫార్మాట్లో కూడా ఒక రేంజ్ రికార్డులు ఉన్నాయి బాస్.
మీకు ఈ విషయం తెలుసా? వైభవ్ ఇప్పటివరకు ఆడిన 25 యూత్ వన్డేల్లో ఏకంగా 56.48 సగటుతో 1412 పరుగులు బాదాడు! ఇందులో 4 సెంచరీలు, 7 హాఫ్ సెంచరీలు ఉన్నాయి. అంతేకాదు, అండర్-19 వన్డే వరల్డ్ కప్లో ఇంగ్లాండ్ అండర్-19 జట్టుపై మనోడు ఆడిన 175 పరుగుల విధ్వంసకర ఇన్నింగ్స్ ఇప్పటికీ క్రికెట్ హిస్టరీలోనే ఒక సంచలనం. రీసెంట్గా ఇండియా ఏ తరపున శ్రీలంకలో జరిగిన ట్రై-సిరీస్లో కూడా 5 మ్యాచ్ల్లో 211 రన్స్ కొట్టాడు, అది కూడా 200.95 స్ట్రైక్ రేట్తో! సో, ఇప్పుడే డైరెక్ట్గా వరల్డ్ కప్ స్క్వాడ్లో సీటు ఇవ్వడం కొంచెం తొందరపాటు అయినా, వన్డే ఫార్మాట్లో కూడా మనోడికి ఒక ఛాన్స్ ఇచ్చి చూడటంలో ఎలాంటి తప్పు లేదు.
