టీమ్ ఇండియా స్టార్ బ్యాటర్లు రోహిత్ శర్మ, విరాట్ కోహ్లీ భవిష్యత్తుపై చర్చలు ఇంకా కొనసాగుతూనే ఉన్నాయి. ఇద్దరూ ఇంకా వన్డేల్లో మంచి ప్రదర్శనలు చేస్తున్నప్పటికీ, 2027 వరల్డ్ కప్లో వీరు ఆడతారా లేదా అన్న ప్రశ్న మాత్రం ఇంకా అభిమానులను వెంటాడుతోంది. ఈ నేపథ్యంలో మాజీ భారత వికెట్ కీపర్ దీప్ దాస్గుప్తా చేసిన వ్యాఖ్యలు ఇప్పుడు క్రికెట్ వర్గాల్లో హాట్ టాపిక్గా మారాయి. దీప్ దాస్గుప్తా అభిప్రాయం ప్రకారం, రోహిత్ శర్మ, విరాట్ కోహ్లీ జట్టులో తమ స్థానాల గురించి ఎలాంటి సందేహం అవసరం లేదు. అయితే ప్రతి సిరీస్ ప్రారంభం నుంచే ఇద్దరూ ప్రభావం చూపించాలని ఆయన అన్నారు. ఒకటి లేదా రెండు మ్యాచ్లు తీసుకుని తర్వాత ఫామ్లోకి రావడం ఇప్పుడు సరైన పద్ధతి కాదని స్పష్టం చేశారు.
ఆయన మాట్లాడుతూ… ప్రతి ఆటగాడికీ ఇదే వర్తిస్తుందని చెప్పారు. కేవలం రోహిత్, కోహ్లీ మాత్రమే కాదు, జట్టులోని ప్రతి ప్లేయర్ సిరీస్ మొదటి మ్యాచ్ నుంచే అత్యుత్తమ ప్రదర్శన ఇవ్వాలని అన్నారు. అందుకు కోచింగ్ స్టాఫ్ కూడా ఆటగాళ్లతో మాట్లాడి, వారికి అనుకూలమైన వాతావరణాన్ని కల్పించాలని సూచించారు. ఇటీవల ఇంగ్లండ్తో జరిగిన మూడు మ్యాచ్ల వన్డే సిరీస్లో భారత్ 2-1 తేడాతో ఓడిపోయింది. తొలి మ్యాచ్లో రోహిత్, కోహ్లీ ఇద్దరూ విఫలమయ్యారు. దీంతో ఇద్దరిపై విమర్శలు వచ్చాయి. అయితే చివరి వన్డేలో రోహిత్ శర్మ అద్భుత సెంచరీ చేసి తనపై వచ్చిన విమర్శలకు గట్టి సమాధానం ఇచ్చాడు. అది ఆయన వన్డే కెరీర్లో 34వ సెంచరీ కావడం విశేషం.
మరోవైపు విరాట్ కోహ్లీ కూడా అదే సిరీస్లో రెండు హాఫ్ సెంచరీలు చేసి తన ఫామ్ను నిరూపించాడు. అయినప్పటికీ ఇద్దరి భవిష్యత్తుపై చర్చలు మాత్రం ఆగలేదు. ఈ విషయంపై దాస్గుప్తా మాట్లాడుతూ… నాలుగు సంవత్సరాల క్రితం కూడా వీరిద్దరూ తమ ప్రదర్శనలతోనే జట్టులో స్థానం సంపాదించుకున్నారని గుర్తు చేశారు. అప్పుడు ప్రతి సిరీస్కు ముందు వీరి స్థానం గురించి ఎవరూ ప్రశ్నించలేదని చెప్పారు. ఇప్పుడు కూడా అదే విధానం కొనసాగాలని, కేవలం వయసు కారణంగా లేదా కొన్ని చర్చల కారణంగా వారి స్థానాన్ని ప్రశ్నించడం సరైంది కాదని అన్నారు.
ఇక రోహిత్, కోహ్లీ భవిష్యత్తుపై ఎందుకు ఇంత చర్చ జరుగుతోందో కూడా ఆయన వివరించారు. ఇద్దరూ గత ఏడాది టెస్ట్ క్రికెట్కు వీడ్కోలు చెప్పడంతో ఇప్పుడు కేవలం వన్డే ఫార్మాట్లో మాత్రమే ఆడుతున్నారు. అందువల్ల ప్రతి వన్డే మ్యాచ్లో వారి ప్రదర్శనపై ఎక్కువ దృష్టి పడుతోందని చెప్పారు. ఒకప్పుడు టెస్టులు, వన్డేలు, టీ twenty లు ఇలా మూడు ఫార్మాట్లలో ఆడేవారని, ఒక ఫార్మాట్లో విఫలమైనా మరో ఫార్మాట్లో బాగా ఆడితే అభిమానులు ఆ వైఫల్యాన్ని మర్చిపోయేవారని అన్నారు.
కానీ ఇప్పుడు ఒక్క వన్డే ఫార్మాట్ మాత్రమే ఉండటంతో ప్రతి ఇన్నింగ్స్ చాలా కీలకంగా మారిందని వివరించారు. ఇటీవల ఇంగ్లండ్ సిరీస్కు ముందు రోహిత్ శర్మ స్థానంలో యశస్వి జైస్వాల్కు, అవకాశం ఇవ్వాలనే ఆలోచన సెలక్షన్ కమిటీ పరిశీలిస్తోందని వార్తలు వచ్చాయి. అలాగే లార్డ్స్ వన్డే రోహిత్కు చివరి అంతర్జాతీయ మ్యాచ్ కావచ్చని కూడా ప్రచారం జరిగింది. అయితే బీసీసీఐ ఆ వార్తలను పూర్తిగా ఖండించింది. దాస్గుప్తా అభిప్రాయం ప్రకారం, రోహిత్ శర్మ, విరాట్ కోహ్లీ వంటి అనుభవజ్ఞులపై ఇప్పటికీ అదే నమ్మకం కొనసాగాలి. అయితే ఒక విషయము మాత్రం స్పష్టమని చెప్పారు. ఇకపై ప్రతి సిరీస్ మొదటి మ్యాచ్ నుంచే తమ స్థాయికి తగ్గ ప్రదర్శన ఇవ్వాల్సిన బాధ్యత ఇద్దరిపైనా ఉందన్నారు.
ఆలస్యంగా ఫామ్ అందుకోవడం కంటే ఆరంభం నుంచే జట్టుకు విజయాలు అందించడం ఇప్పుడు చాలా ముఖ్యమని పేర్కొన్నారు. మొత్తానికి, రోహిత్ శర్మ, విరాట్ కోహ్లీ జట్టులో కొనసాగడంపై ఎలాంటి సందేహం అవసరం లేదని, కానీ ప్రతి సిరీస్ను బలంగా ప్రారంభించడం ఇప్పుడు వారి ముందు ఉన్న పెద్ద సవాల్ అని మాజీ క్రికెటర్ దీప్ దాస్గుప్తా అభిప్రాయపడ్డారు.
