దులీప్ ట్రోఫీకి ముందు వైభవ్ సూర్యవంశీ సరికొత్త ప్రిపరేషన్! వైభవ్ సూర్యవంశీ పేరు ఇప్పుడు క్రికెట్లో ఎంత హాట్ టాపిక్గా మారిందో ప్రత్యేకంగా చెప్పాల్సిన అవసరం లేదు. కేవలం 15 ఏళ్ల వయసులోనే టీమిండియాలోకి వచ్చి.. తన బ్యాటింగ్తో అందరి దృష్టిని ఆకర్షించిన ఈ యువ ఆటగాడు.. ఇప్పుడు మరో కీలక సవాల్కు సిద్ధమవుతున్నాడు. ఇటీవల జింబాబ్వే టూర్లో అదరగొట్టిన వైభవ్.. అక్కడి నుంచి తిరిగి వచ్చిన వెంటనే తన నెక్ట్స్ ఛాలెంజ్పై ఫోకస్ పెట్టాడు.
దులీప్ ట్రోఫీకి ముందు నెట్స్లో తీవ్రంగా ప్రాక్టీస్ చేస్తున్న వీడియోను తన ఇన్స్టాగ్రామ్లో షేర్ చేశాడు. ఈ వీడియోలో వైభవ్ డిఫెన్స్ షాట్లతో పాటు అటాకింగ్ షాట్లను కూడా ప్రాక్టీస్ చేస్తూ కనిపించాడు. ఈ వీడియోకు కేవలం “Preparation” అంటూ క్యాప్షన్ ఇచ్చాడు. అయితే.. ఈ ప్రాక్టీస్ వెనుక మరో ఆసక్తికరమైన విషయము ఉంది. రాబోయే దులీప్ ట్రోఫీలో వైభవ్ సూర్యవంశీకి ఈస్ట్ జోన్ వైస్ కెప్టెన్ బాధ్యతలు అప్పగించారు. ఈస్ట్ జోన్ జట్టుకు కెప్టెన్గా స్టార్ వికెట్ కీపర్ బ్యాటర్ ఇషాన్ కిషన్ వ్యవహరించనున్నాడు.
కేవలం 15 ఏళ్ల వయసులోనే దులీప్ ట్రోఫీలో వైస్ కెప్టెన్ అవ్వడం ఇప్పుడు క్రికెట్ వర్గాల్లో చర్చనీయాంశంగా మారింది. అయితే.. వైభవ్పై వెంటనే కెప్టెన్సీ ఒత్తిడి పెట్టడం తమ ఉద్దేశం కాదని ఈస్ట్ జోన్ సెలెక్టర్ ప్రవంజన్ ముల్లిక్ తెలిపారు. చిన్న వయసులోనే బాధ్యతలు ఇవ్వడం ద్వారా అతను మరింత పరిణతి సాధిస్తాడని చెప్పారు. ఇప్పటికే వైభవ్ బిహార్ తరఫున ఫస్ట్ క్లాస్ క్రికెట్లో వైస్ కెప్టెన్గా పనిచేశాడు. అలాగే అండర్ 19 వరల్డ్ కప్లో కూడా ఇండియా లీడర్షిప్ గ్రూప్లో భాగంగా ఉన్నాడు.
అంతేకాదు.. ఒకరోజు వైభవ్ టీమిండియాకు కెప్టెన్ అయ్యే అవకాశం కూడా ఉందని సెలెక్టర్లు ఆశాభావం వ్యక్తం చేశారు. ఇక జింబాబ్వే టూర్లో వైభవ్ అద్భుతంగా రాణించాడు. మూడు ఇన్నింగ్స్ల్లో 151 పరుగులు చేశాడు. 50.33 యావరేజ్తో పాటు ఏకంగా 196.10 స్ట్రైక్ రేట్ నమోదు చేశాడు. ఇందులో రెండు హాఫ్ సెంచరీలు ఉన్నాయి. ఒక మ్యాచ్లో అజేయంగా 81 పరుగులు కూడా చేశాడు. జింబాబ్వేతో సిరీస్లో ప్లేయర్ ఆఫ్ ది సిరీస్ అవార్డు కూడా సొంతం చేసుకున్నాడు. అయితే అంతకుముందు ఇంగ్లండ్ టూర్లో వైభవ్కు అంతగా కలిసిరాలేదు. మూడు ఇన్నింగ్స్ల్లో ఒక్కసారి కూడా 20 పరుగులు దాటలేకపోయాడు.
ఇప్పుడు మాత్రం జింబాబ్వేలో సత్తా చాటిన వైభవ్.. దులీప్ ట్రోఫీలో తన లాంగర్ ఫార్మాట్ బ్యాటింగ్ను పరీక్షించుకోబోతున్నాడు. ఇషాన్ కిషన్ కెప్టెన్సీలోని ఈస్ట్ జోన్ జట్టులో మహమ్మద్ షమీ, ముఖేష్ కుమార్, షాబాజ్ అహ్మద్, అభిమన్యు ఈశ్వరన్ వంటి అనుభవజ్ఞులైన ఆటగాళ్లు కూడా ఉన్నారు. ఆగస్టు 23న బెంగళూరులో నార్త్ జోన్తో మ్యాచ్తో ఈస్ట్ జోన్ తమ దులీప్ ట్రోఫీ ప్రయాణాన్ని ప్రారంభించనుంది.
మరి.. 15 ఏళ్ల వైభవ్ సూర్యవంశీ దులీప్ ట్రోఫీలో ఎలాంటి ప్రదర్శన ఇస్తాడు? జింబాబ్వే ఫామ్ను ఇక్కడ కూడా కొనసాగిస్తాడా? అనేది ఇప్పుడు ఆసక్తికరంగా మారింది. “ఇలాంటి ఆసక్తికరమైన updates కోసం మా channel ని Subscribe చేసుకుని, మీ అభిప్రాయాన్ని Comment రూపంలో తప్పకుండా చెప్పండి!”
