భారత యువ బ్యాటింగ్ సంచలనం, కేవలం 15 ఏళ్ల వైభవ్ సూర్యవంశీ అంతర్జాతీయ అరంగేట్రం కోసం అభిమానులు ఎంతో ఆసక్తిగా ఎదురుచూస్తున్నారు. ఐర్లాండ్తో జరిగిన తొలి టీ twenty మ్యాచ్లో వైభవ్కు అవకాశం వస్తుందని అందరూ భావించారు. ముఖ్యంగా ఐపీఎల్లో అతను చూపించిన అద్భుత ప్రదర్శన తర్వాత ఈ మ్యాచ్లో అతని డెబ్యూ ఖాయమని అభిమానులు ఆశించారు.ఈ ఆశతోనే బెల్ఫాస్ట్లోని సివిల్ సర్వీస్ క్రికెట్ క్లబ్ స్టేడియానికి చాలా మంది అభిమానులు చేరుకున్నారు. కానీ టాస్ సమయంలో భారత కొత్త టీ twenty కెప్టెన్ శ్రేయస్ అయ్యర్ ప్రకటించిన తుది జట్టులో వైభవ్ సూర్యవంశీ పేరు లేకపోవడంతో అభిమానులు కొంత నిరాశ చెందారు.
టాస్ అనంతరం వ్యాఖ్యాతలు వైభవ్ డెబ్యూ గురించి శ్రేయస్ అయ్యర్ను ప్రశ్నించారు. దానికి ఆయన స్పందిస్తూ… “దురదృష్టవశాత్తు ఈ మ్యాచ్లో వైభవ్ ఆడడం లేదు. అతను చాలా ప్రతిభావంతమైన ఆటగాడు. కానీ ప్రస్తుతం జట్టులో ఉన్న ఆటగాళ్లు కూడా అద్భుతంగా ఆడుతున్నారు. అందుకే వారిపైనే మేము నమ్మకం ఉంచాం. సరైన సమయం వచ్చినప్పుడు వైభవ్కు తప్పకుండా అవకాశం వస్తుంది” అని తెలిపారు.డెబ్యూ అవకాశం రాకపోయినా వైభవ్పై అభిమానుల ప్రేమ మాత్రం ఏమాత్రం తగ్గలేదు. మ్యాచ్ జరుగుతున్న సమయంలో స్పిన్నర్ రవి బిష్ణోయ్తో కలిసి వైభవ్ తన సహచర ఆటగాళ్లకు డ్రింక్స్ తీసుకెళ్లాడు. అతను బౌండరీ లైన్ దగ్గరకు వచ్చిన ప్రతిసారి స్టేడియం మొత్తం హర్షధ్వానాలతో మార్మోగిపోయింది. ఒక్క బంతి కూడా ఆడకపోయినా అభిమానులు అతడికి ఇచ్చిన ఆదరణ సోషల్ మీడియాలో వైరల్గా మారింది. ఈ దృశ్యాలు చూసిన చాలామంది క్రికెట్ అభిమానులు, “డెబ్యూ రాకపోయినా ఇప్పటికే స్టార్ అయిపోయాడు” అంటూ కామెంట్లు చేస్తున్నారు.
ఇక మ్యాచ్ విషయానికి వస్తే… భారత్కు ఊహించని షాక్ తగిలింది. టాస్ గెలిచి మొదట బ్యాటింగ్ చేసిన ఐర్లాండ్ ప్రారంభంలో నాలుగు వికెట్లు త్వరగా కోల్పోయింది. ఒక దశలో 51 పరుగులకే నాలుగు వికెట్లు పడిపోయాయి. అయితే అక్కడి నుంచి ఐర్లాండ్ బ్యాటర్లు అద్భుతంగా పోరాడి నిర్ణీత 20 ఓవర్లలో 9 వికెట్ల నష్టానికి 182 పరుగులు చేశారు. 183 పరుగుల లక్ష్యంతో బరిలోకి దిగిన భారత్కు అభిషేక్ శర్మ మెరుపు ఆరంభాన్ని ఇచ్చాడు. కేవలం 20 బంతుల్లోనే అర్ధ సెంచరీ పూర్తి చేసి ప్రత్యర్థి బౌలర్లపై విరుచుకుపడ్డాడు. కానీ అతను ఔటైన తర్వాత భారత జట్టు వరుసగా వికెట్లు కోల్పోయింది. మిగతా బ్యాటర్లు పెద్దగా రాణించలేకపోయారు. ఫలితంగా భారత్ 18.5 ఓవర్లలో 148 పరుగులకే ఆలౌట్ అయి 34 పరుగుల తేడాతో ఓటమి పాలైంది.
ఈ విజయంతో ఐర్లాండ్ చరిత్ర సృష్టించింది. భారత్పై ఏ ఫార్మాట్లోనైనా ఇదే వారి తొలి విజయం. ప్రపంచ టీ twenty ఛాంపియన్ జట్టును ఓడించడం ద్వారా ఐర్లాండ్ తమ క్రికెట్ చరిత్రలో ఒక గొప్ప విజయాన్ని నమోదు చేసింది.ఐర్లాండ్ విజయంలో కొత్త ఆటగాళ్లు కీలక పాత్ర పోషించారు. భారత సంతతికి చెందిన ఎడమచేతి ఫాస్ట్ బౌలర్ జై మూంద్రా తన తొలి అంతర్జాతీయ మ్యాచ్లోనే, సంజూ శాంసన్ను మొదటి బంతికే ఔట్ చేసి అందరి దృష్టిని ఆకర్షించాడు. మొత్తం రెండు వికెట్లు పడగొట్టాడు. మరో అరంగేట్ర ఆటగాడు మ్యాట్ హోలార్డ్ మూడు వికెట్లు తీసి భారత్ను కుదేలు చేశాడు. ఎడమచేతి స్పిన్నర్ మాథ్యూ హంఫ్రీస్ కూడా మూడు వికెట్లు తీసి భారత బ్యాటింగ్ను పూర్తిగా నియంత్రించాడు.
మ్యాచ్ అనంతరం భారత కెప్టెన్ శ్రేయస్ అయ్యర్ మాట్లాడుతూ… “ఈ ఓటమిని మర్చిపోం. ఈ మ్యాచ్ నుంచి చాలా విషయాలు నేర్చుకోవాలి. తర్వాతి మ్యాచ్లో పూర్తి ఆత్మవిశ్వాసంతో తిరిగి వస్తాం” అని అన్నారు.ఇప్పుడు అందరి దృష్టి ఆదివారం జరగనున్న రెండో మరియు చివరి టీ twenty మ్యాచ్పైనే ఉంది. ఆ మ్యాచ్లో అయినా 15 ఏళ్ల వైభవ్ సూర్యవంశీకి భారత జెర్సీలో తొలి అవకాశం వస్తుందా? అభిమానుల ఎదురుచూపులకు తెరపడుతుందా? లేక మరికొంత కాలం వేచి చూడాల్సి వస్తుందా? అన్నది ఆసక్తికరంగా మారింది.వైభవ్కు డెబ్యూ దక్కకపోయినా… బెల్ఫాస్ట్ ప్రేక్షకులు ఇచ్చిన ప్రేమ, అభిమానుల హర్షధ్వానాలు మాత్రం అతని ప్రతిభకు లభించిన గొప్ప గుర్తింపుగా నిలిచిపోయాయి.
