మహిళల టీ twenty ప్రపంచకప్ 2026 లో భారత యువ స్పిన్నర్ శ్రీ చరణి చరిత్ర సృష్టించింది. ఒకే ప్రపంచకప్ ఎడిషన్లో భారత బౌలర్గా అత్యధిక వికెట్లు తీసిన పూనమ్ యాదవ్ రికార్డును ఆమె సమం చేసింది. 2020 ప్రపంచకప్లో పూనమ్ యాదవ్ 10 వికెట్లు తీయగా, ఇప్పుడు శ్రీ చరణి కూడా అదే ఘనత సాధించింది.ఇంగ్లాండ్లో జరుగుతున్న మహిళల టీ twenty ప్రపంచకప్లో దక్షిణాఫ్రికాతో జరిగిన గ్రూప్-ఏ మ్యాచ్లో శ్రీ చరణి ఈ మైలురాయిని అందుకుంది. ఈ టోర్నీలో కేవలం తన మూడో మ్యాచ్లోనే ఆమె ఈ రికార్డును సమం చేయడం విశేషం.
కేవలం 21 ఏళ్ల వయసున్న శ్రీ చరణి ఇప్పటివరకు 12 ఓవర్లలో 64 పరుగులు మాత్రమే ఇచ్చి 10 వికెట్లు పడగొట్టింది. ఆమె ఎకానమీ రేట్ ఐదు పాయింట్ ముప్పైమూడు గా ఉండటం ఆమె అద్భుత ప్రదర్శనకు నిదర్శనం.గ్రూప్ దశలో భారత్కు ఇంకా రెండు మ్యాచ్లు మిగిలి ఉన్నాయి. జట్టు నాకౌట్ దశకు చేరితే మరిన్ని మ్యాచ్లు ఆడే అవకాశం ఉంటుంది. దీంతో పూనమ్ యాదవ్ రికార్డును అధిగమించి, ఒకే ప్రపంచకప్లో అత్యధిక వికెట్లు తీసిన భారత బౌలర్గా శ్రీ చరణి కొత్త చరిత్ర సృష్టించే అవకాశాలు కనిపిస్తున్నాయి.
ఒకే మహిళల టీ twenty ప్రపంచకప్లో భారత్ తరఫున అత్యధిక వికెట్లు తీసిన బౌలర్లు చూస్తే, పూనమ్ యాదవ్ 2020లో 10 వికెట్లు, శ్రీ చరణి 2026లో 10 వికెట్లు, డయానా డేవిడ్ 2010లో 9 వికెట్లు సాధించారు. అలాగే పూనమ్ యాదవ్ 2014, 2018లో 8 వికెట్లు తీసింది. రాధా యాదవ్ కూడా 2018లో 8 వికెట్లు పడగొట్టింది.అయితే శ్రీ చరణి అద్భుత ప్రదర్శన చేసినా, దక్షిణాఫ్రికాపై భారత్కు ఓటమి తప్పలేదు. ముందుగా బ్యాటింగ్ చేసిన భారత జట్టు నిర్ణీత 20 ఓవర్లలో 7 వికెట్ల నష్టానికి 158 పరుగులు చేసింది.
లక్ష్యఛేదనలో దక్షిణాఫ్రికా ఐదు బంతులు మిగిలి ఉండగానే 4 వికెట్లు కోల్పోయి 161 పరుగులు చేసి ఆరు వికెట్ల తేడాతో విజయం సాధించింది. మారిజానే కాప్ అజేయంగా 81 పరుగులు చేసి జట్టుకు విజయాన్ని అందించింది. టాజ్మిన్ బ్రిట్స్ 40 పరుగులతో మంచి సహకారం అందించింది.మ్యాచ్ ప్రారంభంలో శ్రీ చరణి అద్భుతంగా బౌలింగ్ చేసింది. పవర్ప్లేలోనే వరుసగా రెండు వికెట్లు తీసి దక్షిణాఫ్రికాపై ఒత్తిడి పెంచింది. కెప్టెన్ లారా వోల్వార్ట్, అన్నెరీ డెర్క్సెన్లను అవుట్ చేసి భారత జట్టుకు మంచి ఆరంభాన్ని అందించింది.
అయితే ఫీల్డింగ్లో వచ్చిన తప్పిదాలు భారత జట్టుకు భారీగా నష్టపరిచాయి. ప్రత్యర్థి బ్యాటర్లకు రెండు క్యాచ్లు వదిలేయడంతో దక్షిణాఫ్రికా మళ్లీ మ్యాచ్లోకి వచ్చింది. ఆ అవకాశాలను మారిజానే కాప్ పూర్తిగా వినియోగించుకుని జట్టును విజయతీరాలకు చేర్చింది.భారత్ బ్యాటింగ్లో దీప్తి శర్మ 29 పరుగులు, కెప్టెన్ హర్మన్ప్రీత్ కౌర్ 24 పరుగులు చేసి జట్టును ఆదుకునే ప్రయత్నం చేశారు. కానీ ఆశించిన స్థాయిలో స్కోరు చేయలేకపోయారు.
భారత్ మ్యాచ్లో ఓడిపోయినా, శ్రీ చరణి ప్రదర్శన మాత్రం జట్టుకు పెద్ద సానుకూల అంశంగా మారింది. ఇంకా రెండు లీగ్ మ్యాచ్లు మిగిలి ఉండటంతో పాటు నాకౌట్ దశకు చేరితే మరిన్ని అవకాశాలు ఉండనున్నాయి. దీంతో పూనమ్ యాదవ్ రికార్డును అధిగమించి కొత్త చరిత్ర సృష్టించేందుకు శ్రీ చరణి సిద్ధంగా ఉంది.
