టీ twenty సిరీస్లో యూకే పర్యటనలో ఎదురైన ఘోర పరాజయాల తర్వాత, టీమిండియాకు జింబాబ్వే సిరీస్ మంచి ఆత్మవిశ్వాసాన్ని ఇచ్చింది. కొత్త టీ twenty కెప్టెన్ శ్రేయస్ అయ్యర్ నాయకత్వంలో వరుసగా ఏడు మ్యాచ్లు గెలవలేకపోయిన భారత్.. చివరకు తొలి టీ twenty లో విజయాన్ని నమోదు చేసింది. ఇప్పుడు అదే జోరును కొనసాగిస్తూ శనివారం హరారే స్పోర్ట్స్ క్లబ్ వేదికగా జరిగే రెండో టీ twenty లో గెలిచి సిరీస్ను 2-0తో ఖాయం చేయాలని లక్ష్యంగా పెట్టుకుంది.
అంతకుముందు ఐర్లాండ్తో జరిగిన టీ twenty సిరీస్ను 0-2తో కోల్పోయిన భారత్.. ఆ తర్వాత ఇంగ్లండ్ చేతిలో కూడా 0-4తో వైట్వాష్ అయింది. అలాంటి సమయంలో జింబాబ్వేపై తొలి టీ twenty లో ఏడు వికెట్ల తేడాతో గెలవడం జట్టుకు ఎంతో నమ్మకాన్ని ఇచ్చింది. అయితే ఈ మ్యాచ్లో అందరి దృష్టి ఒక ఆటగాడిపై ఎక్కువగా ఉండబోతోంది. అతనే యువ ఓపెనర్ అభిషేక్ శర్మ. రెండేళ్ల క్రితం ఇదే హరారే మైదానంలో అభిషేక్ శర్మ తన రెండో అంతర్జాతీయ, టీ twenty మ్యాచ్లోనే అద్భుతమైన సెంచరీ చేసి అందరినీ ఆశ్చర్యపరిచాడు.
ఇప్పుడు అదే మైదానానికి తిరిగి వస్తున్న అభిషేక్.. మరోసారి తన పాత ఫామ్ను గుర్తు చేసుకోవాలని చూస్తున్నాడు. ఎందుకంటే ఇటీవల అతని ప్రదర్శన అంతగా ఆశాజనకంగా లేదు. ఇంగ్లండ్తో జరిగిన సిరీస్లో తొలి రెండు మ్యాచ్ల్లో 59, 43 పరుగులు చేసి మంచి ఆరంభం ఇచ్చిన అభిషేక్.. ఆ తర్వాత మాత్రం వరుసగా 10, 16, 3, 1 పరుగులకే పరిమితమయ్యాడు. జింబాబ్వేతో తొలి టీ twenty లో కూడా కేవలం ఒక పరుగు మాత్రమే చేసి నిరాశపరిచాడు. ఎనిమిది బంతులు ఎదుర్కొన్నా లయ కనిపించలేదు. ఆత్మవిశ్వాసం కూడా తగ్గినట్టే కనిపించింది. టీమిండియాలో ఇప్పుడు పోటీ చాలా ఎక్కువగా ఉంది.
ప్రతి స్థానానికి పలువురు ఆటగాళ్లు సిద్ధంగా ఉన్నారు. మరోవైపు సీనియర్ ఓపెనర్ సంజూ శాంసన్ ఈ సిరీస్లో లేకపోయినా, ఈ ఏడాది ఆసియా క్రీడల కోసం భారత జట్టులో చోటు దక్కించుకున్నాడు. అందుకే అభిషేక్ శర్మ ఈ మ్యాచ్లో పెద్ద ఇన్నింగ్స్ ఆడితేనే తన స్థానాన్ని మరింత బలపరుచుకునే అవకాశం ఉంటుంది. భారత్కు సిరీస్ను అందించడమే కాకుండా, తన కెరీర్కు కూడా ఇది కీలకమైన మ్యాచ్గా మారింది.
ఇక తొలి టీ twenty లో భారత్కు మరో కొత్త హీరో దొరికాడు. కేవలం 15 ఏళ్ల యువ సంచలనం వైభవ్ సూర్యవంశీ తన అద్భుతమైన బ్యాటింగ్తో అందరి ప్రశంసలు అందుకున్నాడు. కేవలం 18 బంతుల్లోనే అర్ధశతకం పూర్తి చేసి టీ twenty అంతర్జాతీయ క్రికెట్లో హాఫ్ సెంచరీ చేసిన అత్యంత పిన్న వయస్కుడిగా చరిత్ర సృష్టించాడు. ఇంగ్లండ్ పర్యటనలో జోఫ్రా ఆర్చర్ వంటి వేగవంతమైన బౌలర్ల షార్ట్ పిచ్ బంతులతో ఇబ్బంది పడ్డ వైభవ్.. జింబాబ్వే బౌలర్లపై మాత్రం పూర్తి ఆధిపత్యం చెలాయించాడు. ముఖ్యంగా రిచర్డ్ నగరవా, బ్లెస్సింగ్ ముజరబానిపై ధైర్యంగా భారీ షాట్లు ఆడుతూ తన అసలు ప్రతిభను చూపించాడు.
భవిష్యత్తులో భారత క్రికెట్కు ఎందుకు పెద్ద స్టార్ అవుతాడో మరోసారి నిరూపించాడు. వైభవ్కు తోడుగా ఇషాన్ కిషన్ వేగంగా 35 పరుగులు చేయగా, కెప్టెన్ శ్రేయస్ అయ్యర్ 28 పరుగులతో నాటౌట్గా నిలిచి మ్యాచ్ను సులభంగా ముగించాడు. భారత్ లక్ష్యాన్ని ఇంకా ఆరు ఓవర్లకు పైగా మిగిలి ఉండగానే చేధించి అద్భుత విజయం సాధించింది. బ్యాటింగ్ మాత్రమే కాదు.. భారత బౌలింగ్ విభాగం కూడా ఈ మ్యాచ్లో ఆకట్టుకుంది. ముఖ్యంగా రెండేళ్ల పాటు గాయాలతో ఇబ్బంది పడ్డ మయాంక్ యాదవ్ అద్భుతమైన రీఎంట్రీ ఇచ్చాడు. నాలుగు ఓవర్లలో కేవలం 18 పరుగులు మాత్రమే ఇచ్చి రెండు వికెట్లు తీశాడు.
మ్యాచ్లో అతను వేసిన తొలి బంతే గంటకు 150 కిలోమీటర్ల వేగంతో నమోదవడం అభిమానులను ఉత్సాహపరిచింది. అతని వేగం ఏమాత్రం తగ్గలేదని ఈ ప్రదర్శన స్పష్టం చేసింది. ఇక ప్రిన్స్ యాదవ్ కూడా ఇంగ్లండ్ పర్యటనలో నిరాశపరిచిన తర్వాత ఈ మ్యాచ్లో మెరుగైన ప్రదర్శన కనబరిచాడు. మరోవైపు తొలి అంతర్జాతీయ మ్యాచ్ ఆడిన అశోక్ శర్మ కూడా తన బౌలింగ్తో ఆకట్టుకున్నాడు. భవిష్యత్తులో భారత ఫాస్ట్ బౌలింగ్కు మరో మంచి ఎంపికగా మారే లక్షణాలు అతనిలో కనిపించాయి. మొత్తానికి తొలి మ్యాచ్లో గెలుపుతో ఆత్మవిశ్వాసం పెంచుకున్న టీమిండియా.. ఇప్పుడు రెండో టీ twenty లో కూడా విజయం సాధించి సిరీస్ను సొంతం చేసుకోవాలని చూస్తోంది.
